ୟୁରିକ୍ ଏସିଡ୍ ଶରୀରର କୋଷ ଏବଂ ଆମେ ଖାଉଥିବା ଖାଦ୍ୟ ଦ୍ଵାରା ପ୍ରସ୍ତୁତ ହୋଇଥାଏ, ଯାହା ଶରୀରରୁ ପରିସ୍ରା ମାଧ୍ୟମରେ ନିର୍ଗତ ହୁଏ । ସାଧାରଣତ, କିଡନୀ ୟୁରିକ୍ ଏସିଡ୍ ଫିଲ୍ଟର୍ କରେ ଏବଂ ଏହା ଶରୀରରୁ ପରିସ୍ରା ଦେଇ ବାହାରିଯାଇଥାଏ, କିନ୍ତୁ ଯେତେବେଳେ ଶରୀରରେ ୟୁରିକ୍ ଏସିଡ୍ ବହୁତ ପରିମାଣରେ ପ୍ରସ୍ତୁତ ହୁଏ କିମ୍ବା କିଡନୀ ଏହାକୁ ଫିଲ୍ଟର୍ କରିବାରେ ଅସମର୍ଥ ହୁଏ, ରକ୍ତରେ ୟୁରିକ୍ ଏସିଡ୍ ସ୍ତର ବଢିଯାଏ । ଯାହା ହାଡ ମଧ୍ୟରେ ଜମା ହୋଇ ଯନ୍ତ୍ରଣା ସୃଷ୍ଟି କରେ ।
ବର୍ଦ୍ଧିତ ୟୁରିକ୍ ଏସିଡ୍ ର ଲକ୍ଷଣ :
ଗଣ୍ଠିରେ ଯନ୍ତ୍ରଣା, ଆଙ୍ଗୁଠିରେ ଫୁଲିଯିବା, ଉଠିବା ଏବଂ ବସିବାରେ ଅସୁବିଧା, ଗଣ୍ଠି ଫୁଲିଯିବା ବ୍ୟତୀତ ପାଦ ଏବଂ ହାତର ଆଙ୍ଗୁଠିରେ ଏକ ଯନ୍ତ୍ରଣା ହୁଏ, ଯାହା ବେଳେବେଳେ ଅସହ୍ୟ ହୋଇଯାଏ । ଏଥିରେ ଜଣେ ବ୍ୟକ୍ତି ଶୀଘ୍ର ଥକିଯାଏ। ତେଣୁ ଏହି ଲକ୍ଷଣଗୁଡ଼ିକୁ ଅଣଦେଖା କରନ୍ତୁ ନାହିଁ ।
ୟୁରିକ୍ ଏସିଡ ବଢ଼ିଲେ କ’ଣ ଖାଇବା ଉଚିତ :
ସୁସ୍ଥ ରହିବା ପାଇଁ ଏକ ସନ୍ତୁଳିତ ଖାଦ୍ୟ ଖାଇବା ଅତ୍ୟନ୍ତ ଗୁରୁତ୍ୱପୂର୍ଣ୍ଣ । ଏକ ସନ୍ତୁଳିତ ଖାଦ୍ୟ ହେଉଛି କାର୍ବୋହାଇଡ୍ରେଟ୍, ପ୍ରୋଟିନ୍, ଭଲ ଏବଂ ସୁସ୍ଥ ଫ୍ୟାଟି ଏସିଡ୍, ଭିଟାମିନ୍ ଏବଂ ମିନେରାଲ୍ସ ଭଳି ସମସ୍ତ ଜରୁରୀ ପୋଷକ ତତ୍ତ୍ୱକୁ ଅନ୍ତର୍ଭୁକ୍ତ କରିବା । ସନ୍ତୁଳିତ ଖାଦ୍ୟ ଗ୍ରହଣ ନକରିବା କାରଣରୁ ଶରୀରରେ ୟୁରିକ୍ ଏସିଡ୍ରର ପରିମାଣ ବଢ଼ିଥାଏ । ଶରୀରରେ ଉଚ୍ଚ ସ୍ତରର ୟୁରିକ୍ ଏସିଡ୍ ରକ୍ତ ପରୀକ୍ଷା ଦ୍ୱାରା ଚିହ୍ନଟ ହୋଇପାରେ ।
ଷ୍ଟ୍ରବେରି, ବ୍ଲୁବେରି, ଭଳି ବେରୀରେ ଆଣ୍ଟି-ଇନ୍ଫ୍ଲାମେଟୋରୀ ଗୁଣ ରହିଛି । ଏହି ବିଶେଷ ଗୁଣ ୟୁରିକ୍ ଏସିଡ୍ ସ୍ତର ହ୍ରାସ କରିବାରେ ଲାଭଦାୟକ ଅଟେ । ଏହା ୟୁରିକ୍ ଏସିଡ୍ ର ସ୍ଫଟିକୀକରଣ ଏବଂ ଗଣ୍ଠିରେ ଜମା ହେବାରେ ରୋକିଥାଏ ।ସେଗୁଡ଼ିକରେ ଫାଇବରର ମାତ୍ରା ଅଧିକ, ଯାହା ରକ୍ତରେ ୟୁରିକ୍ ଏସିଡ୍ ହ୍ରାସ କରିବାରେ ସାହାଯ୍ୟ କରିଥାଏ ।
ସେଓ ମଲିକ୍ ଏସିଡ୍ ରେ ଭରପୂର ଅଟେ । ତେଣୁ ଏହା ରକ୍ତ ପ୍ରବାହରେ ୟୁରିକ୍ ଏସିଡ୍ କୁ ନିରପେକ୍ଷ କରିଥାଏ ।
ଗାଜର ଏବଂ କାକୁଡି ସ୍ୱାସ୍ଥ୍ୟ ପାଇଁ ବହୁତ ଭଲ, ଯଦି ଆପଣଙ୍କ ଶରୀରରେ ୟୁରିକ୍ ଏସିଡ୍ ପରିମାଣ ଅଧିକ ଥାଏ। ଗାଜର ଆଣ୍ଟି-ଅକ୍ସିଡାଣ୍ଟରେ ଅତ୍ୟଧିକ ସମୃଦ୍ଧ ଯାହା ଏନଜାଇମ୍ ଉତ୍ପାଦନକୁ ନିୟନ୍ତ୍ରଣ କରିବାରେ ସାହାଯ୍ୟ କରେ । ଏମାନେ ଅଧିକ ଫାଇବର ଯୁକ୍ତ, ଏଣୁ ଏମାନେ ଶରୀରରୁ ୟୁରିକ୍ ଏସିଡ୍ କୁ ବାହାର କରିବାରେ ମଧ୍ୟ ସାହାଯ୍ୟ କରନ୍ତି ।
ଅଧା ଲେମ୍ବୁ ରସକୁ ଏକ ଗ୍ଲାସ ପାଣିରେ ଚିପୁଡ଼ି ପ୍ରତିଦିନ ପିଅନ୍ତୁ । ଲେମ୍ବୁ ରସରେ ସାଇଟ୍ରିକ୍ ଏସିଡ୍ ମିଳିଥାଏ ଯାହା ୟୁରିକ୍ ଏସିଡ୍ ର ଏକ ଦ୍ରବଣକାରୀ ଅଟେ, ଯାହା ଆପଣଙ୍କ ଖାଦ୍ୟରେ ଉଚ୍ଚ ୟୁରିକ୍ ଏସିଡ୍ ସ୍ତରକୁ ରୋକିବାରେ ସହାୟକ ହୋଇଥାଏ ।
କଦଳୀ ସ୍ୱାସ୍ଥ୍ୟ ପାଇଁ ଅତ୍ୟନ୍ତ ଲାଭଦାୟକ ଅଟେ । ଶରୀରରୁ ଅଧିକ ୟୁରିକ୍ ଏସିଡ୍ ସ୍ତର ହ୍ରାସ କରିବାରେ ଏହା ସହାୟକ ହୋଇଥାଏ ।
ଆପଣଙ୍କ ଖାଦ୍ୟରେ ଭିଟାମିନ୍ ସି ଭରପୂର ଫଳଗୁଡିକୁ ଯୋଗ କରନ୍ତୁ । ପ୍ରତିଦିନ 500 ମିଗ୍ରା ଭିଟାମିନ୍ ସି ଖାଇବା ଦ୍ୱାରା ଖୁବ୍ କମ୍ ସମୟ ମଧ୍ୟରେ ୟୁରିକ୍ ଏସିଡ୍ ସ୍ତର କମିଯାଏ ।
ଗର୍ଭାବସ୍ଥାରେ ଅଧିକ ୟୁରିକ୍ ଏସିଡ୍ ଅନେକ ରୋଗର କାରଣ ହୋଇପାରେ :
ଗର୍ଭଧାରଣର ପ୍ରଥମ ତିନି ମାସରେ ଯଦି ମହିଳାମାନଙ୍କର ୟୁରିକ୍ ଏସିଡ୍ ସ୍ତର ଅଧିକ ଥାଏ, ତେବେ ପ୍ରି-ଏକ୍ଲାମପ୍ସିଆ ନାମକ ଏକ ଗୁରୁତର ରୋଗ ହୋଇଥାଏ । ଏଥିସହ, ସେମାନଙ୍କଗର ମଧୁମେହ ହେବାର ଆଶଙ୍କା ମଧ୍ୟ ଅଧିକ ।
ଗର୍ଭାବସ୍ଥାରେ ୟୁରିକ୍ ଏସିଡ୍ ବୃଦ୍ଧି ଶିଶୁର ମଧ୍ୟ ବହୁତ କ୍ଷତି ଘଟାଇପାରେ :
ଯଦି ଗର୍ଭବତୀ ମହିଳାଙ୍କ ଶରୀରରେ ୟୁରିକ୍ ଏସିଡ୍ ର ପରିମାଣ ଅତ୍ୟଧିକ ଥାଏ, ତେବେ ପିଲାମାନଙ୍କର ଓଜନ ପ୍ରଭାବିତ ହୁଏ, କମ୍ କିମ୍ବା ଅଧିକ ଓଜନ ହେତୁ ଗର୍ଭରେ କିମ୍ବା ଜନ୍ମ ପରେ ଶିଶୁର ଜୀବନ ପ୍ରତି ବିପଦ ଆସିପାରେ । ଏହା ବ୍ୟତୀତ ଭବିଷ୍ୟତରେ ଉଚ୍ଚ ରକ୍ତଚାପ, ହୃଦ ରୋଗ ଏବଂ ମଧୁମେହ ହେବାର ଆଶଙ୍କା ମଧ୍ୟ ରହିଥାଏ।
ୟୁରିକ୍ ଏସିଡ୍ ର ସ୍ତର କ’ଣ ହେବା ଉଚିତ୍?
ସାଧାରଣ ମହିଳାମାନଙ୍କରେ ୟୁରିକ୍ ଏସିଡ୍ ର ସ୍ତର 2.5 ରୁ 5.6 mg / dL ମଧ୍ୟରେ ଥାଏ ।
ସେହି ସମୟରେ, ଗର୍ଭାବସ୍ଥାର ପ୍ରଥମ ତିନି ମାସ ରେ, ସୁସ୍ଥ ମହିଳାଙ୍କ ଶରୀରରେ ୟୁରିକ୍ ଏସିଡ୍ ସ୍ତର 2 ରୁ 4.2 mg / dL ମଧ୍ୟରେ ରହିଥାଏ ।
ଏହାର ସ୍ତର ଆସନ୍ତା ତିନି ମାସ ମଧ୍ୟରେ 2.4 ରୁ 4.9 mg / dL ପର୍ଯ୍ୟନ୍ତ ହୋଇପାରେ ।
ଶେଷ ତିନି ମାସରେ ୟୁରିକ୍ ଏସିଡ୍ 3.1 ରୁ 6.3 mg / dL ମଧ୍ୟରେ ହୋଇପାରେ ।
