କିଛି ଲୋକ ପଶୁମାନଙ୍କୁ ପୋଷିବାକୁ ଓ ସେମାନଙ୍କ ଯତ୍ନ ନେବାକୁ ଭଲ ପାଆନ୍ତି । ଯେତେବେଳେ ବି ଆମେ ଆମ ଗୃହପତ ପଶୁକୁ ଆଣିଥାଉ, ଏହା ଧୀରେ ଧୀରେ ଆମ ଘରର ସଦସ୍ୟ ପରି ହୋଇଯାଏ । ସେମାନଙ୍କ ଯତ୍ନ ନେବା ଆମର ଦାୟିତ୍ୱ ହୋଇଯାଏ । କିନ୍ତୁ ଅନେକ ଥର ଆମେ ଭାବୁଛୁ ଯେ ସେ ଏକ ପଶୁ, ତେଣୁ ଆମେ ତାଙ୍କୁ କିଛି ଖାଇବାକୁ ଦେଇ ପାରିବା । ପ୍ରାୟତ ଦେଖାଯାଏ ଯେ ଘରର ଲୋକଙ୍କ ପାଇଁ ଯାହା ତିଆରି କରାଯାଏ, ସେମାନେ ସେଥିରୁ ସେମାନଙ୍କର ଗୃହପାଳିତ ପଶୁକୁ ଖାଇବାକୁ ଦିଅନ୍ତି। ଏହି ଭ୍ରମରେ, ଆମେ ଏପରି କିଛି ଖାଦ୍ୟ ସାମଗ୍ରୀ ଆମ ଗୃହପାଳିତ ପଶୁଙ୍କୁ ଖାଇବାକୁ ଦେଇଥାଉ ଯାହା ତାଙ୍କ ସ୍ୱାସ୍ଥ୍ୟ ପାଇଁ କ୍ଷତିକାରକ ହୋଇପାରେ ଏବଂ ସେ ମଧ୍ୟ ଅସୁସ୍ଥ ହୋଇପାରନ୍ତି ।
ଆସନ୍ତୁ ଜାଣିବା କେତୋଟି ଖାଦ୍ୟ ସାମଗ୍ରୀ ବିଷୟରେ ଯାହା ଭୁଲରେ ବି ଗୃହପାଳିତ ପଶୁ ମାନଙ୍କୁ ଦେବା ଉଚିତ ନୁହେଁ ।
ରସୁଣ-ପିଆଜ ଠାରୁ ଦୂରତା ରଖନ୍ତୁ
ରସୁଣ-ପିଆଜରେ ମିଳୁଥିବା ଥିଓସୁଲଫେଟ୍ (Thiosulfate Acid) ଗୃହପାଳିତ ପଶୁମାନଙ୍କର ହଜମ ପ୍ରକ୍ରିୟା ପାଇଁ ଭଲ ନୁହେଁ, ଯେଉଁଥିପାଇଁ ସେମାନେ ଅସୁସ୍ଥ ହୋଇପାରନ୍ତି ।
ଚକୋଲେଟ୍
ଆମେ ଗୃହପାଳିତ ପଶୁମାନଙ୍କୁ ବିଶେଷତ କୁକୁରମାନଙ୍କୁ ଚକୋଲେଟ୍ ପରି ମିଠା ଠାରୁ ଦୂରରେ ରଖିବା ଉଚିତ ।କାରଣ ଏଥିରେ ଥିବା ଥିଓବ୍ରୋମାଇନ୍ ସେମାନଙ୍କ ପାଇଁ ଅତ୍ୟନ୍ତ କ୍ଷତିକାରକ କିମ୍ବା ବିଷାକ୍ତ ପଦାର୍ଥ ଭାବରେ ସେମାନଙ୍କ ପେଟକୁ ଯାଇ ସେମାନଙ୍କୁ ଗୁରୁତର ଅସୁସ୍ଥ କରିପାରେ ।
Avocado
ଗୋଟିଏ ପଟେ ମଣିଷର ହୃଦୟ, ମାଂସପେଶୀ, ଗଣ୍ଠିକୁ ସୁସ୍ଥ ରଖିବାରେ Avocado ଏକ ଗୁରୁତ୍ୱପୂର୍ଣ୍ଣ ଭୂମିକା ଗ୍ରହଣ କରୁଥିବାବେଳେ ଅନ୍ୟ ପଟେ Avocado ପ୍ରାଣୀମାନଙ୍କ ଅନ୍ତନଳୀ ସମସ୍ୟା ସୃଷ୍ଟି କରିପାରେ ।
ଲୁଣ
ମନେରଖନ୍ତୁ ସର୍ବଦା ଆପଣଙ୍କ ଗୃହପାଳିତ ପଶୁମାନଙ୍କ ଖାଦ୍ୟରେ ଲୁଣର ପରିମାଣ କମ୍ ରଖନ୍ତୁ । ଅନ୍ୟଥା, ଅତ୍ୟଧିକ ଲୁଣ ହେତୁ, ସେମାନଙ୍କ ପେଟର କାର୍ଯ୍ୟ ପ୍ରଭାବିତ ହେବ, ଯେଉଁ କାରଣରୁ ସେମାନେ ବାନ୍ତି ଏବଂ ଝାଡ଼ା ରୋଗରେ ଆକ୍ରାନ୍ତ ହୋଇପାରନ୍ତି ।
ମାଂସ
ପ୍ରାୟତ ଆମେ ଆମର ଗୃହପାଳିତ ପଶୁକୁ ଘରେ ତିଆରି ତେଲ-ମସଲାଯୁକ୍ତ ମାଂସ ଖାଇବାକୁ ଦେଇଥାଉ, ଯାହା ସେମାନେ ମଧ୍ୟ ଅତି ଉତ୍ସାହରେ ଖାଆନ୍ତି । କିନ୍ତୁ ଏହା ସେମାନଙ୍କ ମଧ୍ୟରେ ଅଜୀର୍ଣ୍ଣ ସମସ୍ୟା ସୃଷ୍ଟି କରିପାରେ ଏବଂ କୋଲେଷ୍ଟ୍ରଲ ବୃଦ୍ଧି କରି ସେମାନଙ୍କ ସ୍ୱାସ୍ଥ୍ୟକୁ ନଷ୍ଟ କରିପାରେ ।