ଅନେକ ଲୋକ ଅଣ୍ଡାରୁ ନିର୍ମିତ ଜଳଖିଆ ସହିତ ଦିନ ଆରମ୍ଭ କରନ୍ତି। ପ୍ରୋଟିନ୍ ଯୁକ୍ତ ଅଣ୍ଡା ସ୍ୱାସ୍ଥ୍ୟ ପାଇଁ ଅତ୍ୟନ୍ତ ଲାଭଦାୟକ ଅଟେ। ଏହି କାରଣରୁ ଲୋକମାନେ ଅମଲେଟ୍, ଅଣ୍ଡା ବ୍ରେଡ଼ ପରି ଅଣ୍ଡାରେ ତିଆରି ଖାଦ୍ୟ ପଦାର୍ଥରୁ ନିଜ ଦିନ ଆରମ୍ଭ କରିବାକୁ ପସନ୍ଦ କରନ୍ତି। ଯଦିଓ ଅଣ୍ଡା ସ୍ୱାସ୍ଥ୍ୟ ପାଇଁ ଲାଭଦାୟକ, କିନ୍ତୁ ଅନେକ ଲୋକ ହୃଦୟ ସ୍ୱାସ୍ଥ୍ୟ ଉପରେ ଖରାପ ପ୍ରଭାବ ପକାଇପାରେ ବୋଲି ଭୟ ହେତୁ ଅଳ୍ପ ଅଣ୍ଡା ଖାଆନ୍ତି। ଏହି ବିଷୟରେ ବିଭିନ୍ନ ପ୍ରକାରର ଅଧ୍ୟୟନ ମଧ୍ୟ ବାହାରିଛି। ନିକଟରେ ଏକ ଅଧ୍ୟୟନରେ କୁହାଯାଇଛି ଯେ ଗୋଟିଏ ସପ୍ତାହରେ କେତେ ଅଣ୍ଡା ଖିଆଯିବା ଉଚିତ, ଯାହା ସ୍ୱାସ୍ଥ୍ୟ ପାଇଁ ଅତ୍ୟନ୍ତ ଲାଭଦାୟକ ହୋଇପାରେ।
ଅଣ-ଶାକାହାରୀ ଲୋକମାନେ ଅଣ୍ଡା ଖାଇବାକୁ ବହୁତ ପସନ୍ଦ କରନ୍ତି। ଇଣ୍ଡିଆନ୍ ଏକ୍ସପ୍ରେସ୍ ର ଖବର ଅନୁଯାୟୀ, ଜର୍ଣ୍ଣାଲ୍ ନ୍ୟୁଟ୍ରିଏଣ୍ଟସରେ ପ୍ରକାଶିତ ଏକ ରିପୋର୍ଟର ଉଦ୍ଧେଶ୍ୟରେ କୁହାଯାଇଛି ଯେ ରକ୍ତଚାପ ହ୍ରାସ କରିବା ବ୍ୟତୀତ ଅଣ୍ଡା ମଧୁମେହ ହେବାର ଆଶଙ୍କା ମଧ୍ୟ ହ୍ରାସ କରିଥାଏ, ଯାହା ହୃଦୟ ସ୍ୱାସ୍ଥ୍ୟ ପାଇଁ ଭଲ ଅଟେ।
ଗୋଟିଏ ସପ୍ତାହରେ କେତେ ଅଣ୍ଡା ଖାଇବା ଲାଭଦାୟକ ଅଟେ।
- ବୋଷ୍ଟନ୍ ୟୁନିଭରସିଟିର ଅନୁସନ୍ଧାନକାରୀଙ୍କ ଦ୍ୱାରା କରାଯାଇଥିବା ଏକ ଅଧ୍ୟୟନରୁ ଜଣାପଡିଛି ଯେ ସପ୍ତାହରେ 5 କିମ୍ବା ଅଧିକ ଅଣ୍ଡା ଖାଇବା ସ୍ୱାସ୍ଥ୍ୟ ପାଇଁ ଲାଭଦାୟକ ଅଟେ।
- ଅନୁସନ୍ଧାନରେ 2300 ରୁ ଅଧିକ ବୟସ୍କଙ୍କୁ ଅନ୍ତର୍ଭୁକ୍ତ କରାଯାଇଥିଲା। ଅଧ୍ୟୟନରେ ଏହା ପ୍ରକାଶ ପାଇଛି ଯେ 5 କିମ୍ବା ଅଧିକ ଅଣ୍ଡା ଖାଇବା ଦ୍ୱାରା ରକ୍ତଚାପ ହ୍ରାସ ହେବା ସହିତ ରକ୍ତ ଶର୍କରା ର ହାର ମଧ୍ୟ କମିଯାଏ ଏବଂ ଟାଇପ-୨ ମଧୁମେହ ହେବାର ଆଶଙ୍କା ମଧ୍ୟ କମିଯାଏ।
- ଅଧ୍ୟୟନ ଅନୁଯାୟୀ, ଅଣ୍ଡା ଖାଇବା ପରାମର୍ଶ ପ୍ରକୃତରେ ହୃଦୟ ସ୍ୱାସ୍ଥ୍ୟକୁ ପ୍ରୋତ୍ସାହିତ କରିଥାଏ।
- କିନ୍ତୁ ଯଦି ଆପଣ ଦୈନିକ ଅଣ୍ଡା ଖାଆନ୍ତି, ତେବେ 1 କିମ୍ୱା 2 ଟି ଅଣ୍ଡା ର କେବଳ ଧଳା ଅଂଶ ଖାଇବା ହୃଦୟ ପାଇଁ ଲାଭଦାୟକ ହେବ।
