ଜିଭ କଳା ପଡିବା କ’ଣ?
ଏହା ଏକ ଏପରି ଅବସ୍ଥା ଯେଉଁଥିରେ ଜିଭ ରଙ୍ଗ ଧୀରେ ଧୀରେ କଳା ହୋଇଯାଏ । ଜିଭ କଳା ରଙ୍ଗ ପାଟିରେ ଅତ୍ୟଧିକ ବ୍ୟାକଟେରିଆ କିମ୍ବା ଇଷ୍ଟ ଇତ୍ୟାଦି ହେତୁ ହୁଏ । ଏହି ଅବସ୍ଥାରେ ଜିଭରେ ହଳଦିଆ କିମ୍ବା ବାଦାମୀ ଦାଗ ମଧ୍ୟ ଦେଖାଯାଏ । ଏହା ଏକ ଅବସ୍ଥା ଯାହା କ୍ଷତିକାରକ ନୁହେଁ ଏବଂ ଚିକିତ୍ସା ସାହାଯ୍ୟ ବିନା କିଛି ସମୟ ପରେ ଭଲ ହୋଇଯାଏ ।
କଳା ଜିଭର ଲକ୍ଷଣଗୁଡ଼ିକ କ’ଣ?
ଜିଭ କଳା ହେବା ସହିତ ପାଟିରୁ ଦୁର୍ଗନ୍ଧ ବାହାରିବା, ଯାହା ସବୁଠାରୁ ସାଧାରଣ ଲକ୍ଷଣ । ଏହା ବ୍ୟତୀତ, ଯେତେବେଳେ ଜିଭର ରଙ୍ଗ କଳା ହୋଇଯାଏ, ପାଟିର ସ୍ୱାଦ ମଧ୍ୟ ଖରାପ ହୋଇଯାଏ । କିଛି ଲୋକଙ୍କ ଯେତେବେଳେ ଜିଭ କଳା ହୋଇଯାଏ, ସେମାନେ ଅନୁଭବ କରିବା ଆରମ୍ଭ କରନ୍ତି ଯେପରି ସେମାନଙ୍କ ଗଳାରେ କିଛି ଅଟକି ଯାଇଛି ।
ଜିଭ କଳା ହେଲେ ନିମ୍ନଲିଖିତ ଲକ୍ଷଣଗୁଡିକ ମଧ୍ୟ ଦେଖାଯାଏ, ଯେପରିକି :
- ଜିଭ ରଙ୍ଗ ବଦଳିବା କିମ୍ବା କଳା ହୋଇଯିବା ।
- ଏପରି ଦେଖାଯିବା ଯେପରି ଜିଭରୁ କେଶ ବାହାରିଛି ।
- ସ୍ୱାଦରେ ପରିବର୍ତ୍ତନ ।
- ଯେତେବେଳେ ଜିଭର ରଙ୍ଗ କଳା ହୋଇଯାଏ, ପାଟିର ସାଧାରଣ ସ୍ୱାଦ ବଦଳିଯାଏ । ଏହି ଅବସ୍ଥାରେ, ନିଶ୍ୱାସ ନେବାବେଳେ ପାଟିରୁ ଏକ ଅପ୍ରୀତିକର ଗନ୍ଧ ଆସେ । ଏହା ବ୍ୟତୀତ, ଯେତେବେଳେ ଜିଭର ରଙ୍ଗ କଳା ହୋଇଯାଏ, ରୋଗୀ ମଧ୍ୟ ଗଳାରେ କିଛି ଅଟକିବା ଭଳି ଅନୁଭବ କରିବା ଆରମ୍ଭ କରେ ।
କଳା ଜିଭ କାହିଁକି ହୁଏ?
କଳା ଜିଭର ପ୍ରକୃତ କାରଣ ଏପର୍ଯ୍ୟନ୍ତ ଜଣା ପଡିନାହିଁ, ଯଦିଓ ନିମ୍ନଲିଖିତ କେତେକ କାରଣ ଏହି ସମସ୍ୟା ସୃଷ୍ଟି କରିପାରେ :
- ପାଟିର ଠିକ ଭାବେ ସଫା ନକରିବା ।
- ଅଧିକ ତରଳ କିମ୍ବା ନରମ ଖାଦ୍ୟ ଖାଇବା ।
- ଔଷଧର ପାର୍ଶ୍ୱ ପ୍ରତିକ୍ରିୟା ।
- ଯଥେଷ୍ଟ ଲାଳ ତିଆରି ନ ହେବା ।
- ଆଣ୍ଟିବାୟୋଟିକ୍ ।
- ତମାଖୁ ଖାଇବା ।
- ଚା କଫି ପିଇବା ।
- କିଛି ପ୍ରକାରର Mouth wash ବ୍ୟବହାର କରିବା ।
ଜିଭକୁ କଳା ହେବାରେ କିପରି ରୋକାଯାଇପାରିବ?
ଜିଭ ରଙ୍ଗକୁ କଳା ନହେବା ପାଇଁ, ପାଟିର ସ୍ୱଚ୍ଛତା ରଖିବା ଅତ୍ୟନ୍ତ ଜରୁରୀ, ଯେପରିକି:
- ଜିଭ କୁ ବ୍ରଶ୍ କରିବା ।
- ଦନ୍ତ ଚିକିତ୍ସକଙ୍କୁ ନିୟମିତ ପରିଦର୍ଶନ କରିବା ।
- ଖାଇବା ପରେ ବ୍ରଶ କରିବା ।
- ଉତ୍ତମ ପୁଷ୍ଟିକରତା ବଜାୟ ରଖିବା ।
କଳା ଜିଭରେ ଜଟିଳତା କ’ଣ?
କଳା ଜିଭ ସାଧାରଣତ ନିଜେ ଭଲ ହୋଇଯାଏ ଏବଂ ଏହାକୁ କିଛି ସରଳ ପଦକ୍ଷେପ ସାହାଯ୍ୟରେ ମଧ୍ୟ ରୋକାଯାଇପାରିବ । କଳା ଜିଭ ରହିବା କୌଣସି ସ୍ୱାସ୍ଥ୍ୟ ସମସ୍ୟା ସୃଷ୍ଟି କରେ ନାହିଁ । ତଥାପି, ପାଟିର ସ୍ଵଚ୍ଛତା ବଜାୟ ନରଖିବା ଦ୍ଵାରା କେତେକ ଗୁରୁତର ରୋଗ ହୋଇପାରେ, ଯେପରିକି ହୃଦ ରୋଗ, ଷ୍ଟ୍ରୋକ୍, ଡିମେନ୍ସିଆ, ଶ୍ୱାସକ୍ରିୟା ସଂକ୍ରମଣ ଏବଂ ମଧୁମେହ ଇତ୍ୟାଦି । ତେଣୁ ଯଥାଶୀଘ୍ର ଏହି ସମସ୍ୟାର ସମାଧାନ କରିବା ଅତ୍ୟନ୍ତ ଗୁରୁତ୍ୱପୂର୍ଣ୍ଣ ।