ଯଦି ଆପଣ ଦିନର ମାତ୍ର 11 ମିନିଟ୍ ବାହାର କରି ଗୋଟିଏ କାର୍ଯ୍ୟ କରିବା ଦ୍ବାରା, ତେବେ ଆପଣଙ୍କ ହୃଦୟ ସବୁଦିନ ପାଇଁ ସୁସ୍ଥ ରହିବ।
କେମ୍ବ୍ରିଜ୍ ବିଶ୍ୱବିଦ୍ୟାଳୟର ଏକ ଅନୁସନ୍ଧାନରେ ଏହା ଜଣାପଡିଛି ଯେ ଯଦି ଆପଣ ପ୍ରତିଦିନ ମାତ୍ର 11 ମିନିଟ୍ ଚାଲନ୍ତି, ତେବେ ହୃଦଘାତ ଏବଂ କର୍କଟ ଭଳି ଗୁରୁତର ରୋଗ ହେବାର ଆଶଙ୍କା କମ୍ ହୋଇଥାଏ।
‘ବ୍ରିଟିଶ୍ ଜର୍ନାଲ୍ ଅଫ୍ ସ୍ପୋର୍ଟସ୍ ମେଡିସିନ୍’ ରେ ପ୍ରକାଶିତ ଏକ ଅଧ୍ୟୟନରେ କୁହାଯାଇଛି ଯେ ଚାଲିବା ଦ୍ ଦ୍ବାରା ହୃଦଘାତ ଏବଂ କର୍କଟ ରୋଗ ରୁ ମୃତ୍ୟୁ ସଂଖ୍ୟା ରୋକାଯାଇପାରେ। ସେଥିପାଇଁ ସମସ୍ତେ ଚାଲିବା ଅଭ୍ୟାସ କରିବା ଉଚିତ୍।
ବ୍ରିଟେନର ଜାତୀୟ ସ୍ୱାସ୍ଥ୍ୟ ସେବା (NHS) ବୟସ୍କଙ୍କୁ ପ୍ରତିଦିନ 11 ମିନିଟ୍ ପାଇଁ ମଧ୍ୟମ ସ୍ତରର ଶାରୀରିକ କାର୍ଯ୍ୟକଳାପ କରିବାକୁ ପରାମର୍ଶ ଦେଇଥାଏ। କେମ୍ବ୍ରିଜ୍ ବିଶ୍ୱବିଦ୍ୟାଳୟର ମେଡିକାଲ୍ ରିସର୍ଚ୍ଚ କାଉନସିଲ୍ (ଏମଆରସି) ଏପିଡେମୋଲୋଜି ୟୁନିଟ୍ ର ବିଶେଷଜ୍ଞମାନେ କହିଛନ୍ତି ଯେ କିଛି ନକରିବା ଅପେକ୍ଷା କିଛି ଶାରୀରିକ କାର୍ଯ୍ୟକଳାପ ଜାରି ରଖିବା ଭଲ।
ହୃଦଘାତ ସାଂଘାତିକ :
ହୃଦଘାତ ହେତୁ ବିଶ୍ୱ ସର୍ବାଧିକ ସଂଖ୍ୟକ ମୃତ୍ୟୁ ଘଟିଥାଏ | ଅଧିକାଂଶ ହୃଦ୍ ରୋଗ ସାଂଘାତିକ ଅଟେ | 2019 ମସିହାରେ 1.79 କୋଟି ଲୋକ ହୃଦଘାତରେ ମୃତ୍ୟୁ ବରଣ କରିଥିଲେ। ଯେତେବେଳେ କି 2017 ରେ, 96 ଲକ୍ଷ ଲୋକ କର୍କଟ କାରଣରୁ ପ୍ରାଣ ହରାଇଥିଲେ। ଏହି ଅଧ୍ୟୟନ ଅନୁଯାୟୀ, ସପ୍ତାହରେ 77 ମିନିଟର ଶାରୀରିକ କାର୍ଯ୍ୟକଳାପ ହୃଦଘାତ ଜନିତ ରୋଗର ଆଶଙ୍କା 17 ପ୍ରତିଶତ ଏବଂ କର୍କଟ ରୋଗର ଆଶଙ୍କା 7 ପ୍ରତିଶତ ହ୍ରାସ କରିପାରେ।
